ליל שמחת תורה תש"ז קודם הקפות
75ליל שמחת תורה תש"ז קודם הקפות
[בהתחלה קרא כ"ק אדמו"ר שליט"א לאחד ואמר לו ששמח"ת הוא זמן שמחה והוא התגלות בלא הגדרות וע"כ חפצו שלא יהי' הגדרות בכניסה, שכולם יכנסו (כי הי' שלחן על הפתח עומד לעכב הכניסה)].
אַמאָליגע חסידים האָבן געוואוסט פירוש המלות, זיי האָבען געוואוסט וואָס זיי זאָגען און ווי מ'בעדאַרף זאָגן. זיי האָבן געוואוסט וואָס זיי האָבן געזאָגט, און וואָס זיי האָבן נאָך ניט דערזאָגט. אַמאָליגע חסידים פלעגן נאָכ'ן דאַוונען פאַרבויגן דעם סידור אויף דעם אָרט וואָס עס האָט זיך היינט "געדאַווענט", און אַז דער אויבערשטער וועט העלפן וועלן זיי מאָרגן דאַוונען ווייטער1.
" 76אתה2 הראת לדעת"3 — גאַנץ סדר השתלשלות ביז רום המעלות זאָגט צו עצמות א"ס: "אתה", דו עצמות, "הראת", האָסט זיך אָנגעהויבען צו בעווייזען, "לדעת", מען זאָל דיך קענען. דורכוואָס? "כי הוי' הוא האלקים", דורך די ידיעה אַז הוי' ואלקים כולא חד4, בהשוואה ממש ביז שרש שרשם, דאַמאָלסט פאַרשטייט מען אז, "אין עוד", וואָרום אַזוי פאַרשטייט מען ניט ווי אַזוי איז דאָס "אין עוד", אָבער לאחר הידיעה כי הוי' ואלקים כולא חד, דאַמאָלסט פאַרשטייט מען אַז "אין עוד".
באמת האָט מען געדאַרפט אָפּטייטשן אַלע פסוקים (פון אתה הראת) נאָר איך פאַרלאָז זיך אויף חסידים, אַז זיי ווייסן. אַה ווייסן זיי! הלואי זאָלן זיי מקיים זיין וויפיל זיי ווייסן.
הערות
עמוד 75
- 1. ראה גם שיחת יום שמח"ת בעת הסעודה ושיחת י"ט כסלו שנה זו. יום שש"פ תש"ט (לקמן ע' 77. ע' 93. ע' 98. ע' 319).
עמוד 76
- 2. ואתחנן ד, לה.
- 3. ראה גם סה"מ ה'ש"ת ס"ע 146 ואילך. תש"ד ע' 54. שם ע' 220. וראה סה"מ תרפ"ט ס"ע 227 ואילך.
- 4. ראה זח"א יב, א.